Aous guura alda Zeid.....iwwa Haijsa on Leid

Eloo drenn, weerd Dia viel viel von da alda Hedd se sijn krijn. Ma waade mol ab, wadd eloo noch so alles sesamme kemmd. Villeischd guggd Dia aach emol en oure Schublaare no alde Bilda

Es dadd nedd e scheen Bild om Aadebersch?? Doad hadd ed Broschde Elly gewohnt. Idsd wohnd de Broschde  Kurd  doad.  Wie eisch noch e klenner Vohl war semma ald doad hiene for se spiele orra ach for se zelde.

 

 

Loo  es dadd alde Schämasch Haus om Miehlebersch ze siehn.  Dadd es dem Paul sei Elderrehaous.   E paa Reschde von dene alde Maure senn noch steen blieb.   Henne draan hadd spärra de Paul gebaud.

                     

 

  

Hie es idst dedd Elderrehaus vom Krause Wolfgang se sijn. Sei Modda, dedd Johanna, hodd doad e klähn Gedrängehannlung. Wadd waare ma als junge Fohle ald froo, wemma ous doad e Flasch Limo kaafe konnde.

Ed Johanna hadd geere gesong, bes enned hoee Alda  waared em Gesangva_ein agdif.

Späära hat de Wolfgang newedrahn gebaud on dad Haus es abgeress wor. Dann hadd de Wahl doad gebaud. Spära hat de Schmidt Ka_hl doad gewohnd on idsd de Willi

 

 

 

So kenne eisch als Kennd noch  ed Haus vom Niggels Julius. Ed es emm_a wirra e scheener Anblegg dadd ällschde Haus em Doaf ze siehn. Haud wohnd de Gerold do drenn un hadd dadd wonnabaa offgeschaffd on häld drommerom alles enda Reih.

 

Voore lin_gs siehd ma noch e Stegg vom Gordnasch Haus

 

 

Wie soll dadd lo idsd weira gehn? Wea  mahn, der kann mia e Bild von seinem Haus schegge on ach e paar Woade dezu schreiwe. Wie ald es dadd haus- wer hadd frieja ora vor dia do drenn gewohnd - all so sache wo edressand senn kennde. Nadierlich solle dadd ach nauere Haiser senn. Ed senn viel Haiser em Doaf on ach em Naubaugebied, wo  schon de zwedde orra dredde Eijetiemer hann. Eich dääd dann  en pladd brenge  on dann wäa Dei Haisje aach hie se siehn.

 

Hämm